大家都明白「食物要煮熟曬先好食」嘅道理，消滅細菌之餘又可以保障到自己嘅健康。新一代嘅飲食文化唔單只追求食物新鮮，仲要保留食品最大程度嘅鲜嫩，所以就開始產生咗「低温慢煮」嘅新風氣～
喺急速嘅城市，「慢」絕對係一個貶義詞。但飲食界就出現反高潮，大家都推崇「慢煮」。幾個月前，尖東一間平平無奇嘅小食亭，經過店主悉心計劃後，以慢煮食材製作三文治而熱爆全城。近日喺太子轉戰地舖，繼續以慢煮為重點！
先食羊後膝，完全無羊羶味，口感比牛扒軟，亦有充分嘅肉汁，實在唔錯！
炸雞嘅皮炸得好香脆，無肥膏，但入面嘅雞肉保持到好嫩滑，仲好入味添！
法式豬鞍算係驚喜之作！豬鞍好有厚度，但肉質唔會過韌，超級嫩滑。豬鞍上仲擺放咗蘋果肉粒，微微嘅酸甜味同豬鞍好夾，絕對係錦上添花。
Fish and chips 同幼薯條都係啱啱炸好，超級脆！仲放滿晒成個筒仔，絕對唔係
求其畀少少你！
小編試咗Brothers Toffee Apple，拖肥味好濃郁，再加上甜甜哋嘅蘋果果香味，好易入口，女仔一定會鐘意！
大家記得早幾日預先喺whatsapp訂位，如果唔係就有排等㗎喇～
Under Vacuum - 慢煮工業
地址：太子太子道西91號地舖
Photo by Celeste；Banner Photo by Under Vacuum Official Facebook
日期：2016
媒體：Miss Tiara
Comments