呢啲節日季節有時候一晚要跑幾場 party ，仲要成日飲酒，難免皮膚會差啲～今次就同大家介紹一啲急救小辦法啦！
妝前急救小辦法
1. 讓護膚品快速吸收
大家都應該聽過呢個辦法，可以用暖毛巾敷面，熱力會促進血液循環，令毛孔擴張，有助面部皮膚吸收護膚品。
2. 皮膚太乾！
補濕 toner唔係是但搽咗就算㗎！可以倒上化妝棉，然後喺比較乾嘅位置敷一分鐘左右，再輕輕打圈抹走角質，有助軟化角質層，同時又可以補充水分，底妝就無咁易 「浮粉」 ～
3. 眼睛好浮腫
大家可以用比膚色深一號嘅粉底搽上浮腫嘅位置，薄薄一層就夠㗎啦！之後再搽多一層本身皮膚嘅顏色，有助遮蓋眼睛嘅浮腫同顏色不均勻嘅問題！選擇有閃粉嘅眼影更有助提亮眼睛，到時候就無人知你玩到眼腫啦～
4.. 生咗大暗瘡？！
大家都一定會識用遮瑕膏，但記得用碎粉將遮瑕膏定妝，遮瑕膏就會無咁易甩～
5. 嘴唇又乾燥又甩皮
唔係賣廣告～但係用 Vaseline 厚敷幾分鐘，然後再用暖毛巾抹走Vaseline，絕對可以將死皮抹走，之後先再搽唇膏就無問題啦！
脫妝急救小辦法
去Party一定要放定細細枝lotion同一枝棉花棒落袋，絕對係解決脫妝問題嘅重要武器！
甩眼妝？！
用棉花棒喺眼妝化開嘅位置印走油份同眼線暈染，然後先補上眼線～咁樣先會令人覺得你嘅妝容夠乾淨！
補臉妝～
可以用面油紙吸油，然後再用棉花棒點少少乳液喺甩粉嘅位置打圈，之後先再補上粉底，咁就唔會令到啲粉積聚喺面部，亦防止造成毛孔阻塞嘅問題～
Photo Source : Pinterest
日期：2016
媒體：Miss Tiara
Comments