韓國的炸雞啤酒一浪接一浪，而韓國手工炸雞專門店Yadllie於2008年，目前在韓國約有50間分店，今次衝出韓國，憑著創意與實力成功登陸旺角兆萬中心11樓全層！店內部份新創美食，如乳酪窩夫炸雞、棉花糖炸雞等，都係香港先有架，完全配合港人口味！大家仲唔去試下？（*＾3＾）
𨋢門一打開，見到這樣的裝潢，感覺這間餐廳必家是滿有心思的♥
在座位上可以看到調製飲品的位置♥
一邊等食一邊欣賞一下餐廳內的oppa！是真oppa啊♥♥♥
小編實在不敢偷影他們，但確實要偷望兩眼～～
原來Yadllie特意派韓國員工與香港店職員做交流，等大家都感受到oppa既專業熱誠既服務態度～
看看menu，有製作炸雞的過程介紹！
手工炸雞的特點是雞肉有味又健康，以傳統浸泡醃製法混合各種新鮮蔬菜，加上韓國進口的20多種天然材料造成的美味醬料，再把雞肉放在醬料裡頭醃製48小時，繁複的工序係美味既一大因素！
炸製過程均勻地撲上薄乾粉，並使用韓國雙重高壓油炸技術鎖住肉汁，排走多餘油份，每個過程都掌握得準確，先可以令雞肉外脆內嫩！
第一款黎到既係小吃拼盤～
oppa會為你提供小火爐，讓整個小吃拼盤都可以熱住食！
除左熱之外，小火爐仲有一個好重要既用途，就係⋯⋯
見到咁多芝士你就知道小火爐係用黎溶芝士♥
拼盤裡有韓國年糕、炸南瓜、炸紫菜粉絲卷等，加上韓國傳統的醬汁，帶點辣味，食落香口，實在抵讚！
芝士開始溶啦！♥
芝士溶哂後就可以張小食點埋芝士黎食啦！
唔好以為咁快到甜品！望真啲，係韓國炸雞啊！
咦？！下面既係咩黎架？係窩夫啊！
原來係乳酪窩夫炸雞！男朋友們無藉口唔陪女朋友食甜品啦！
鹹點甜點同時出現～♥
炸雞上面有乳酪粉，而窩夫就可以直接點乳酪～
說實話，小編一開始都擔心味道會好奇怪，但食落去甜甜地，又不油膩，唔會好似平時咁啖啖肉好辛苦，反而好開胃！一食就知道餐廳獨特的醃製過程真係對雞肉有正面影響，無論食到邊一個位置，或是邊一件雞，都好入味！絕對唔係得炸皮先有味啊！
女仔梗係忍唔住要食番件窩夫先啦！
唔通係韓國餐廳都有棉花糖？
係啊，係就係棉花糖，不過係棉花糖炸雞！
望下，咦？炸雞呢？
原來oppa等你影夠相就會慢慢係你面前幫你燒溶棉花糖，望住成個溶既過程真係好治癒！♥
棉花糖裡的炸雞，真係好似仙境咁，仲唔係相機食先？
呢個就係棉花糖裡的炸雞既真身，加左棉花糖後就有一點甜甜的味道，但甜味不算強烈，容易入口！大家都一定唔會鐘意食炸粉，今次就啱哂啦！薄薄既炸皮就係其獨特之處，脆脆地，香口、有口感之餘又唔會影響到雞肉的鮮味！
事不宜遲，小編都唔客氣了，梗係要開動啦！
啊！除左食物，仲試左餐廳推介的果味米酒，今次試了奇異果味，好易入口，酒味唔算好濃，仲充滿奇異果既果香！絕對係姊妹飯局的必選飲品～ 好似仲有香蕉或者西瓜味，大家不妨試一下！
Yadllie Plate
地址：旺角西洋菜南街1號兆萬中心11樓全層
電話：2360 0233
營業時間：17:00－00:00
日期：2016
媒體：Miss Tiara
Comments