講起美圖apps，大家會諗起邊一個呢？除咗大家都有用嘅美圖秀秀之外，今次就同大家分享一吓小編偏愛嘅美圖工具喇！
首先係「VSCO」，總共有10種唔同風格嘅濾鏡，風格主要以復古感為主，而且好易用！
可以用呢張蛋糕相為例子，本身都真係麻麻，冇咩特別～
用VSCO選擇一吓濾鏡，其實簡單一按已經好有歐洲嘅拍攝感覺！呢個工具嘅濾鏡強度調整都係用一格格去量化數據，唔會因為滑動式而調整唔到一個合適嘅大細而煩惱～
再用西環泳棚嘅相片去做示範～本身嗰日嘅天氣比較暗，所以其實質感都已經唔錯！
用咗VSCO之後令到懷舊感大大加強！其實仲有更多可以修改嘅細項，例如色溫、旋轉、暗角、飽和度等，唔會好難用！
另一個app係「Instants」！
可以揀嘅濾鏡唔算好多，同埋都唔算好靚，咁介紹嚟做咩呢？
其實係可以令到相片變成即影即有咁！呢個相框唔會好假，有齊陰影，整咗出嚟好真實！仲可以加字添㗎，以後大家想整張即影即有就冇難度喇！
最後一個就係美食專用相機「Foodie」！係小編嘅至愛！
Foodie嘅介面好易上手，好適合用喺食物嘅照片上面，而且唔會有唔自然嘅感覺。
可以直接揀選濾鏡，用嘅時候一啲難度都冇～
除咗濾鏡功能外，Foodie仲有柔焦、亮度調整嘅功能。
係咪淨係得食物啱用Foodie呢？絕對唔係！
某啲景色都好適合，一加左濾鏡之後就好有文青感，轉一轉個濾鏡又變左少女嘅夢幻感，實在係好有驚喜～
再放上一張afternoon tea嘅照片！
一加咗濾鏡之後即刻少女感大增！相機食先都要有技巧看呃到like㗎嘛！
日期：2016
媒體：Miss Tiara
コメント