小編覺得全部女仔都一定會鐘意城堡，童話、公主王子、水晶鞋，少女心就係咁㗎啦！(男生永遠唔會明白~) 姊妹們，不如去一轉日本，完成做公主嘅心願！
箱根小王子博物館
日本箱根有一座小王子博物館，亦係世界上唯一嘅小王子博物館。籌備咗12年，將故事書嘅世界喺真實世界中展現，書中所描繪嘅場景一一落實喺你眼前，令人好似置身喺南普羅旺斯嘅小鎮一樣，“小王子迷”一定唔可以錯過！
地址：神奈川県足柄下郡箱根町仙石原909
魔女の館
成個設計風格都有啲似萬聖節，好似置身喺哈利波特嘅世界中。屋頂有南瓜、蝙蝠浮雕，圍欄上仲有烏鴉圖案裝飾，喺呢度成年都可以享受萬聖節氣氛！
地址：靜岡県浜松市東區半田山3丁目
森系城堡
呢度係由建築家佐佐木茂良設計出嚟，佢希望現實世界可以出現呢種建築風格。喺呢個小小嘅森林裡面，有唔同類形嘅小店：日用百貨、蛋糕、咖啡廳、迷你長廊等，成個感覺好似童話世界～
地址：靜岡県浜松市西區和地町2949
鄉村城堡
城堡嘅設計師好鐘意科斯沃嘅英式鄉村，又鐘意嗰度係哈利波特嘅拍攝地之一，所以想將小鎮打造成英國科斯沃嘅樣子，帶出魔幻氣氛，同時又融合宮崎駿嘅日式幻想！
地址：大分縣由布市湯布院町川上1503-3
交通：JR久大線由布院駅より徒歩約15分
豪斯登堡
大家都一定會認識豪斯登堡！一個表現出中古世紀歐洲街景嘅度假勝地，呢度最吸引一定係一大片嘅花海、巨大嘅風車同埋華麗嘅城堡，夜晚仲會有亮燈同煙花，超級浪漫～
地址：長崎県佐世保市ハウステンボス町
日期：2016
媒體：YOUYOUGO ／ LET'S Travo
コメント