越南位於中南半島、湄公河三角州。首都河內 (Hanoi)，胡志明市 (Ho Chi Minh) 係主要商業貿易中心～越南經過內戰後，1975年全國統一，86年開始經濟改革，對外開放投資。以製造業及加工業為主！近年嚟大家都鐘意去越南旅行，今次就想同大家分享一下去越南有咩要注意！
・基礎篇・
1. 語言
越南語係越南嘅官方語言，中越邊境地帶嘅越南人都會講普通話，旅行時用英語都會溝通到～
2. 時差
越南時間比香港時間遲一個小時，例如香港時間係20:00，越南時間就係21:00。 3. 貨幣
越南嘅流通貨幣係越南盾，$1港幣=2928越南盾（匯率一直在不斷調整）。
4. 最佳旅遊時間
越南大部分領土屬熱帶季風氣候，平均氣溫為23至27℃。越南嘅季節分明： 11月至翌年4月為乾季，氣候乾燥多霧；乾季仲可以分為熱季同涼季，11月至2月係涼季，3月至4月係熱季。
而涼季時，城市陽光明媚，山青水秀，百花盛放，係越南最靚嘅季節，都係最適合去越南嘅季節！ 5. 物價水平
6. 電壓
越南電壓係220V之間，所用嘅係兩腳幼圓插頭同兩腳扁插頭，大家需要帶備旅行裝萬能插頭～
7. 簽證
入境簽證：持 BNO 及香港特區護照均須申請簽證！
免稅煙酒：200支香煙 (約10包) 、雪茄50支、250克煙草、一公升烈酒
＊攜帶3,000美元以上，入境時需要申報！
8. 航空
越南河內和胡志明市的國際機場是主要的對外交通樞紐，已同世界上20個國家和地區通航。中國的北京、上海、廣州、昆明每天都有直飛河內和胡志明市的航班。
9. 安全
越南總體政局穩定，但大家都要小心俾人偷野～有人會揸電單車搶手袋；而女性亦盡量唔好單獨外出喇！
・禁忌・
1. 一定唔可以用腳指其他物品，坐嘅時候都唔可以用腳指人，唔可以從坐臥嘅人身上跨過，因為呢啲行為都係被視為對人唔尊重；
2. 入人哋屋企一定要除鞋，如果唔你會被誤會睇唔起主人；
3. 唔可以隨意摸其他人嘅頭部，包括小朋友；
4. 南部高棉人忌用左手行禮、進食、送物同接物；
5. 越南人忌諱三個人影相，一支火柴或打火機唔可以連續畀三個人點煙，因為咁樣係唔吉利；
6. 寺廟係公認為神聖地方，進入寺廟時，衣著要端莊整潔，唔可以著短褲、迷你裙、袒胸露背、無袖上衣或者其他唔適宜嘅衣服！喺街上行嘅時候，要避開當街排列嘅祭祀用品，一定唔可以踩踏！
日期：2016
媒體：YOUYOUGO ／ LET'S Travo
Comments