航空公司不停推廣日本平機票，大家都忍唔住要買定機票去日本食、玩、買！不過去旅行梗係要上網打卡喇～究竟租 Wi-Fi 蛋同買 Sim 卡邊樣先至最抵呢？
一大班人去旅行租Wi-Fi蛋最抵?!
一大班人去日本要上網，租借Wi-Fi蛋就最抵玩，一個Wi-Fi約可以分畀5個人，以我哋Youyou Wi-Fi為例：東京、大阪、名古屋等4G無限計劃$15一日；沖繩、北海道、九州、溫泉區等(偏遠地區)4G無限計劃$25一日！
再以5 日嘅旅程計算，平均每人$15 / $25一日就可以，對比用 Sim 卡真係抵好多㗎～Wi-Fi蛋會預先設定好上網嘅連接，只要去到日本，一開機就可以用到，而支援 4G LTE嘅Wi-Fi蛋上網速度亦都好高，適合各位機不離手嘅年青人！
不過，用戶要注意Wi-Fi蛋公司會根據當地嘅網絡供應商，設有「公平使用政策」，就算係無限數據，每日數據用量其實都有上限，超過咗嘅話，上網速度就會減慢㗎啦～ 所以大家租Wi-Fi記得要問清楚！
自購 SIM 卡抵唔抵呢？
多數一、兩個人去旅行就會買 SIM 卡，以深水埗鴨寮街為例，一般 5 至 7 日旅程嘅日本SIM卡約$250左右，毋須有交還程序，其實都幾方便。如果一人一張SIM卡嘅話，旅程時分開咗行都唔怕搵唔到對方～但計返條數，其實都幾貴！
SIM 卡一般都設有流量限制，大約係5GB左右，如果多人share嘅話，就要小心過咗數據用量。要避免旅程中突然上唔到網，最好就係啟動智能手機嘅流量提示，監察住數據使用情況 (但去旅行都要咩都check住又真係唔夠relax！)。
另外，用家都要留意SIM 卡支援 3G定係4G LTE網絡，後者網速會比較高，但需要配合智能手機，例如日本4G LTE使用800/1,500/2,100MHz頻譜，同香港用嘅1,800/2,600MHz頻譜唔同，如果智能手機對應唔到，有機會只用到3G上網、覆蓋範圍減小或者影響上網速度。自購嘅SIM卡有機會要自己輸入APN嘅設定，用家一定要識輸入先可以正常上網；如果唔成功設定APN就要去當地電訊商求助喇！
無論用Wi-Fi蛋定係SIM卡，最緊要都係用心去感受個旅程！除咗打卡個一刻，其他時間少啲玩電話喇～
日期：2016
媒體：YOUYOUGO ／ LET'S Travo
Comments